Bis und mit Freitag 6. Juni 2025 gelten die normalen Öffnungszeiten!

>> Öffnungszeiten ab 6. Juni 2025 <<

******

Liebi Lüt

Mängi Sitzig gha, mängs Telefongspräch gfüehrt, viu müglechi Lösigsvariante düregstudiert, uf mänge Liechtblick ghoffet, dasses doch noch klappet mit eme nöie Chäschoufvertrag für üse Ämmitaler AOP.

Leider aus nüt gsi. Itz müesse mir mit schwärem Härz dere Tatsach ids Oug luege u aus ä so probiere ufzgleise u i Wäg z leite, dass d Sorge nid no grösser wärde. Ä so, dass für üser Miuchlieferante, d Lehrlinge, üsi Ladefrou u o für üs ume witergeit.

Mängs Schöns hei mir i de vergangene 16 Jahr mit Öich tröiä Chunde dörfe erläbä. U dass das itz söu fertig si, tuet üs weh.

Was aber no meh weh tuet, si die Brichte u Kommentare i de Medie vo Lüt, wo gar nid wüsse, um was dasses geit u wie üsi Chäsi Arni funktioniert, wases aus het gä u itz äbä de nüme git. Drumm tüe mir üs uf die letschti u sehr emotionali Zyt mit Chäse, Ankne, Joghurte u schüsch no disem u äim konzentriere.

Danke für aus, liebi Lüt!

Ds Chäsi Arni Team u Miuchlieferante